Құрметті Қасым-Жомарт Тоқаев, Атырау обл, Жұлдыз елді мекені 2024ж, 10-шы қаңтарынан бері Техногендік төтенше жағдайда өмір сүріп жатыр. Жұлдыз тұрғындарының сізге әділдік іздеп, көмек сұрап жазған ұжымдық арызымыз кері обл әкіміне жолданды. Сізге арналған арызымыз қолдан қолға өтіп ешқандай шешім шығарылмады. Жұлдыз тұрғындары жиналып, жаңадан тағайындалған обл әкімі Ақшолақов Болатпен заң бойынша, төтенше жағдайға байланысты кезектен тыс кездесу талап еткенбіз, бірақ обл әкімі кездесуге шықпады. Арыз, дәлелдер мен заңды құжаттарды саламын, мүмкін сіздің назарыңызға ілігер, Атырауда сіздің жарлығыңызбен шыққан заңдар жұмыс жасамайтынын қаперіңізге беремін. ҚАЗАҚСТАН РЕСПУБЛИКАСЫНЫҢ ПРЕЗИДЕНТІ
ҚАСЫМ-ЖОМАРТ КЕМЕЛҰЛЫ ТОҚАЕВҚА
Атырау қаласы, Жұлдыз мөлтек ауданы,
Жошы хан көшесі , 8 үй тұрғыны
Доскалиева Айгуль
Тел.+77787028654
ҰЖЫМДЫҚ ӨТІНІШ
Құрметті Қасым-Жомарт Кемелұлы!
Біз, Атырау қаласы, Жұлдыз елді мекенінің тұрғындары, Сізден көмек сұрап жүгінеміз.
Ауыл жерасты сулары зардабын шегіп , Апатты жағдай басталғалы көп уақыт болды, тұрғындар 2022 жылдан бастап дабыл қағып, әкімшілікке арыздана бастады. Бірақ әкімшілік ешқандай әрекет жасамады. Шарасы таусылған тұрғындар 02.05.2023 жылы әкімшіліктің әрекетсіздігіне Атырау облысының мамандандырылған ауданаралық әкімшілік сотына арыздандық, ол сот 2,6 жылға созылып, Жоғарғы сот 2025 жылы, 16 маусымда біздің талабымызды толықтай қанағаттандырды. Атқарушы мекемелерді кәріз, дренаж, нөсерлік жүйелерді жүргізуге міндеттеді. Алайда қазіргі уақытта атқарушы мекеме Жоғарғы сот қаулысын мойындамай, берілген уақытта толықтай орындауға асықпай отыр. Онымен қоймай, сот алқасына Жоғарғы сот қаулысы толықтай орындалды деп өтірік ақпарат беріп отыр.
2024 жылғы 10 қаңтарда Жұлдыз тұрғындарының жаппай көшеге шығып апатты жағдайды жою туралы талабынан кейін Жұлдыз елді мекенінде жер асты суы көтерілуіне байланысты техногендік төтенше жағдай жарияланды. Алайда бүгінгі күні, 2026 жылғы 1 шілдеге дейін, бұл төтенше жағдай мүлде жойылған жоқ, керісінше жағдай ушығып, үйлеріміз құлау қаупінде тұр.
2024 жылғы 20 маусымда Атырау облысының әкімі Серік Шәпкенов Жұлдыз тұрғындарымен Апатты жағдайға байланысты кезектен тыс кездесуде, Жұлдыз елді мекенінде магистральды кәріз, орталық кәріз және дренаж жүйелері салынатынын тұрғындарға уәде еткен болатын. Алайда бүгінгі күнге дейін бұл жұмыстар толық орындалмай отыр.
2025 жылғы 16 мамырдағы Жоғарғы Соттың №6001-24-00-бап/2785 қаулысына қарамастан, қазіргі уақытта тек қысымды (напорлы) кәріз желісінің бір бөлігі ғана жүргізілуде. Оған бюджеттің 5,6 миллиард қаражаты 2025 жылы бөлініп, жүмысы басталды, 2026 жылы жоспарға сәйкес бітуге тиіс болатын . Қазіргі күні ауыл ішіне диаметрі 110 мм трубалар жүргізу жұмысы ғана жүргізілді. Ал, осы ауылішілік жүйені қосатын магистралды кәріз жүйесі әзір емес, жобасы да жоқ .Бұл ауыл тұрғындарының Жоғары сотқа шағымданып, бюджеттен қаражат бөлдіріп жасатып жатқан кәріз жүйесінің орта жолда толық іске аспай қалуына әкелейін деп тұр және ауыл тұрғындары осындай техногенді апаттық жағдайда өмір сүру әлі де ұзақ уақыт болатынын көз жеткізудеміз.
Сондай — ақ , Жоғары сот шешімімен міндеттелген Дренаж және нөсерлік кәріз жүйелерінің құрылысы тіпті жоспарланбай да отыр. Жергілікті атқарушы органдар бұл жобалардың әлі дайын еместігін өздері де мойындап отыр.
Осының салдарынан Жұлдыз елді мекенінің тұрғындары қолайсыз әрі қауіпті жағдайда өмір сүріп келеді. Жұлдыз тұрғындары бірталай жылдан бері ыза тартып, қайта-қайта жөндеу керек болып отырған үйлерінің қиындығын көріп, аурулы болып отыр. Ал төтенше жағдай жариялануына байланысты әкімшілік жанынан құрылған топ жұмыс жасамайды, берілуге тиісті заңмен тағайындалған көмек Жұлдыз ауылының қиын жағдайда отырған тұрғындарына қол жетімсіз болып, атқарушы мекеме көмек сұрап жазған арыздардан бас тартып отыр.
Осы техногендік апаттан ауылды құтқару жолдары қазіргі заман талабына сай ғылыми және практикалық тұрғыда қарастырылмай отыр.Бұрын Каспий теңізі табаны болған жерге орналасқан ауылды мүмкін көшіру қажет болар деп ойлаймыз.
Осыған байланысты Сізден:
1. Жұлдыз елді мекеніндегі техногендік төтенше жағдайдың не себепті әлі күнге дейін жойылмағанын жан-жақты тексеруді;
2. Кәріздік жүйе жұмысын жүргізудегі жұмысты нақты бақылау жоқтығына Жауапты мемлекеттік органдар мен лауазымды тұлғалардың әрекеттеріне құқықтық баға беруді;
3. Магистралды кәріз, орталық кәріз, дренаж және нөсерлік кәріз жүйелерінің құрылысын шұғыл бастауға және толық аяқтауға тапсырма беруді;
4. Жұлдыз елді мекеніндегі техногендік төтенше жағдайды толық жою бойынша нақты шаралар қабылдауды сұраймыз.
5. Жұлдыз елді мекенінде уақыт өте келе үдеп бара жатқан техногендік апатты жағдайды тез арада жойып , халықтың дұрыс өмір сүруіне жағдай жасай алмай отырған ауыл әкімі ,қала әкімі, облыс әкімі жауапкершіліктеріне қатаң талап қоюды сұраймыз.
6. Ауыл техногенді апаттық жағдайдан тез арада құтқарылмайтын болса ауыл тұрғындарын толықтай басқа жерге көшіру жұмысын талап етеміз.
Қазақстан Республикасы Конституциясында кепілдік берілген қауіпсіз және қолайлы өмір сүру құқығымыздың қорғалуын қамтамасыз етуіңізді сұраймыз.
Сіздің әділ шешіміңізге сенім білдіреміз.
Жалғама : Нақты дәлелдер мен қол қою парақтары осы өтініштің ажырамас бөлігі болып табылады.
Құрметпен,
Атырау қаласы, Жұлдыз елді мекенінің тұрғындары.
Күні: «15» шілде 2026 жыл. #ҚасымЖомартТоқаев #ТөтеншеЖағдайМинистрлігі #ДенсаулықСақтауМинистрлігі #АтырауобләкіміАқшолақовБолат #АтырауқаласыәкіміШәкірКейкін #Құрлысбөлімбасшысы
Айгуль Доскалиева
Обсуждение закрыто.