БАСПАСӨЗ ХАБАРЛАМАСЫ «ҚАЗАҚСТАНДАҒЫ САЯСИ ҚАМАҚТАҒЫЛАРДЫҢ ТІЗІМІН КЕҢЕЙТУ»

2022 жылғы 9 тамыз Алматы қаласы

Сараптамалық кеңестің 2022 жылғы 3 тамыздағы шешімімен саяси тұтқын болып танылғандар:

Сәдібеков Молдабай, Шымкент қаласының азаматтық белсендісі, белсенді азаматтық ұстанымы үшін бірнеше реет әкімшілік жауапкершілікке тартылған. Шымкент қаласы Әл-Фараби аудандық сотының 06.06.2022 жылғы үкімімен Қазақстан Республикасы Қылмыстық кодексінің 272-бабымен «жаппай тәртіпсіздіктер ұйымдастыру» бойынша М.Сәдібеков кінәлі деп танылып, 3 жылға орташа қауіпсіздік мекемесінде өтеуге бас бостандығынан айырылды.
Байсағатов Айдар, Өскемен қаласынан азаматтық белсенді. 2022 жылдың 24 маусымында Қазақстан Республикасы Қылмыстық кодексінің 380-бабы бойынша қаңтардағы митингі өтетін жерде болғаны үшін 1 жыл 4 айға ең төменгі қауіпсіздіктегі колонияда өтеуге бас бостандығынан айырылды. Алаңда митинг өткен күні ол« Facebook » әлеуметтік желісі үшін онлайн-трансляция жүргізіп, елде болып жатқан жағдай туралы өз ойын білдірген. Қаңтардың 5-і күні тікелей эфир жүргізу кезінде А.Байсағатовты қара киім мен бетперде киген белгісіз біреулер, кенеттен ұстап алған, және ол қалалық ішкі істер бөліміне жеткізілген.
Аблайхан Бекеев, 27 жастағы ақтөбелік азаматтық белсенді. 2022 жылғы 12 қаңтарда А.Бекеев ұсталып, оның әрекеті Қазақстан Республикасы Қылмыстық кодексінің 272-бабы «жаппай тәртіпсіздіктер» бойынша сараланды. 2022 жылдың 5 қаңтарында А.Бекеев өзінің конституциялық бейбіт жиналыстар құқығын пайдаланып, жаңаөзендіктердің талаптарын қолдау мақсатында митингке шыққан.
Әзиз Жолатов, студент, Семей қаласының азаматтық белсендісі -Анар Қалиеваның ұлы. Анасы мен әпкесінің белсенді азаматтық ұстанымдары үшін, оған бірнеше рет қоқан-лоқы жасалған. 2022 жылдың 6 қаңтарындағы бейбіт митинг кезінде А.Жолатов анасымен бірге ұсталып, Семей қаласындағы уақытша ұстау изоляторына қамалған. 2022 жылғы 8 қаңтарда А.Жолатовтың әрекеттері Қазақстан Республикасы Қылмыстық кодексінің 272-бабы, 269-бабымен сараланған. Ұстау кезінде Азиз қатты соққыға жығылғын, оны ес-түссіз күйде полиция бөліміне жеткізген. ҚР Қылмыстық кодексінің 146-бабы «Азаптау» бойынша қылмыстық іс қозғалды.

Сараптамалық кеңес:

Ғалым Ағелеуов

Лұқпан Ахмедьяров

Зәуреш Батталова

Гүлмира Біржанова

Анара Ибраева

Евгений Жовтис

Ерлан Қалиев

Бақытжан Төреғожина

Амангелді Шорманбаев

2022 жылғы 9 тамыз , Алматы қаласы